Share/Save

ᐁ ᔔᔔᐧᐋᐸᒋᐦᓯᑦ ᑲᔦᐦ ᐁ ᒥᐧᔮᐱᒋᐦᓯᑦ ᐊᓯᓃ

ᐊᓂᒌ ᐄᔨᔫᒡ ᐊᓯᒡ ᒌ ᐊᔮᐅᒡ ᐆᔫᐦ ᐁ ᐃᐦᑕᑯᓂᔨᒡᐦ ᒉᐧᑳᔫᐦ ᐁ ᐃᑖᐸᒋᐦᑖᐧᑖᐤ᙮ ᐊᓯᓃᐦ ᐁ ᓂᐸᑳᐱᔅᒋᐦᓰᑦ ᑲᔦᐦ ᐁ ᔔᔥᐧᐋᐸᒋᐦᓰᑦ ᒌ ᐋᐸᒋᐦᐁᐅᒡ ᓇᒣᔅ ᓀᔥᑦ ᒦᒋᒻ ᐊᔫᐦᐄᑲᓐᐦ ᐁ ᐅᔑᐦᐋᐧᑖᐤ᙮ ᐊᓂᑌᐦ ᒫᒃ ᐁ ᔮᔨᐧᐁᔮᔨᒡ ᓰᐲᐦᒡ ᐁᑯᑌᐦ ᑳ ᒥᔅᑯᐧᐋᐧᑖᐤ ᐆᔫ ᐊᓯᓃᐦ᙮ ᒌ ᐃᔑᓈᑯᓱᑦ ᐊᓂᒌ ᐄᔨᔫᒡ ᔮᐃᑌᐦ ᐁ ᐧᐄ ᐊᔮᐧᑖᐤ ᒉᐧᑳᔫᐦ ᒉ ᒦᒋᐧᑖᐤ, ᐧᑫᔖᓐ ᐁᑳ ᒌ ᓂᐸᐦᑖᑲᓄᐧᐃᔨᒉ ᒥᒌᒥᔫ᙮ ᐁᐅᒄ ᒫᒃ ᑳ ᐃᑖᐸᒋᐦᐋᑲᓄᐧᐃᐧᑖᐤ ᐊᓂᒌ ᐊᓯᓃᔨᒡ, ᐁ ᐱᒋᑲᐦᐄᑲᓄᐧᐃᒡ ᒦᒋᒻ ᐁ ᐹᔥᑌᒡ ᓀᔥᑦ ᓂᒣᔅ ᐁ ᐹᓱᑦ᙮ ᒋᓀᐅᔥ ᒫᒃ ᒌ ᑲᓄᐧᐁᔨᒫᑲᓄᐧᐃᒡ ᐆᒌ ᐊᔫᐦᐄᑲᓂᒡᐦ᙮ ᑲᔦᐦ ᑳ ᐅᔑᐦᑖᑲᓄᐧᐃᒡ ᐅᔅᑲᓂᐋᐴ ᐅᔥᑲᓐᐦ ᐁᒌ ᐱᒋᑲᐦᐄᑲᓄᐦᐧᑳᐤᐦ ᑲᔦᐦ ᐁ ᓇᓈᐧᑖᐦᐄᑲᓄᐦᐧᑲᐤᐦ, ᓈᔥᑖᐧᐯᐦ ᒌ ᐧᐄᐦᑲᓐ ᐁ ᒥᓂᐦᐧᑳᓄᐧᐃᒡ ᑲᔦᐦ ᒌ ᒥᓂᐦᐄᐸᒫᑖᑲᓅ᙮ ᐊᓂᑦᐦ ᑳ ᒌ ᐅᑎᐦᑖᒥᐦᐄᑲᓄᐃᒡ ᑲᔦᐦ ᑳ ᐱᒋᔥᑲᐦᐄᑲᓄᐧᐃᒡ, ᐊᓯᓃ ᐁ ᓂᐸᑳᐱᔅᒋ ᒌ ᐋᐸᑎᓰᐤ, ᐊᑖᓐ ᒌ ᐃᔑᓂᐦᑳᑖᑲᓅ᙮ ᒌ ᓂᑲᑕᒧᒡ ᒫᓐᐦ ᐊᓂᔫᐦ ᒉᐧᑳᔫᐦ ᐁ ᐃᑖᐸᒋᐦᑖᐧᑖᐤ ᐯᔔᒡ ᐊᓂᑦᐦ ᐄᔨᔥᑯᑌᐦᑳᓂᒡ, ᔖᔥ ᒌ ᐊᔦᔥᑯᔥᑌᔫᐦ ᒫᓐᐦ ᒦᓐ ᑌᑯᔑᐦᐧᑳᐤᐦ ᐊᓂᑦᐦ᙮  

ᒍᐅᓯᐱᓐ ᑖᐃᒥᓐ ᐅᔑᐦᐁᐤ ᔫᐦᐄᑲᓐᐦ (ᐁᒌ ᐹᐧᓵᑲᓄᐧᐃᔨᒡ ᓇᒣᔅ), ᐋᑕᓐ ᐁ ᐋᐸᒋᐦᐋᑦ᙮

ᒍᐅᓯᐱᓐ ᑖᐃᒥᓐ ᐅᔑᐦᐁᐤ ᔫᐦᐄᑲᓐᐦ (ᐁᒌ ᐹᐧᓵᑲᓄᐧᐃᔨᒡ ᓇᒣᔅ), ᐋᑕᓐ ᐁ ᐋᐸᒋᐦᐋᑦ᙮

ᒍᐅᓯᐱᓐ ᑖᐃᒥᓐ ᐅᔑᐦᐁᐤ ᔫᐦᐄᑲᓐᐦ (ᐁᒌ ᐹᐧᓵᑲᓄᐧᐃᔨᒡ ᓇᒣᔅ), ᐋᑕᓐ ᐁ ᐋᐸᒋᐦᐋᑦ᙮

ᐁ ᒥᐧᔮᐱᔅᒋᐦᓯᐦᑦ, ᒫᔥᑯᒡ ᑲᔦᐦ ᒌ ᐃᑖᐸᒋᐦᐋᑲᓅ ᒥᔥᑎᒄ ᒉᐧᑳᓐ ᐆᐦᒋ, ᓀᔥᑦ ᒥᒋᐦᑯᓐ᙮

ᐁ ᔔᔔᐧᐋᐸᔅᒋᐦᓯᐦᐧᑖᐤ ᐊᓯᓃᔨ, ᐸᔅᒡ ᒌ ᐃᑖᐸᑎᓰᐦᒉᓂᒌ ᐁ ᐊᔅᒋᐴᑖᑲᓄᐦᐧᑳᐤᐦ ᐅᔅᑲᓐᐦ᙮