Share/Save

ᐄᔨᔥᑯᑌᐦᑳᓐᐦ

ᐄᔨᔥᑯᑌᐦᑳᓂᐦᒡ ᐁᑯᑦᐦ ᒨᔥ ᑳ ᐆᐦᒋ ᐊᐱᐦᓲᓈᓄᐧᐃᒡ, ᐧᐋᔥᑌᓂᒫᑳᓄᐧᐃᒡ ᑲᔦᐦ ᐁ ᐱᒥᓄᓲᓈᓄᐧᐃᒡ᙮ ᐊᓂᑌᐦ ᒫᒃ ᑳ ᐄᔑ ᓈᓂᑑᐧᐋᐅᑲᐦᐄᑳᓄᐧᐃᒡ ᐃᑌᐦᒉ, ᐊᓐ ᐃᔥᐧᑳᔥᒉᐤ ᐊᓂᑦᐦ ᐃᔥᑯᑌᐦᒡ ᐁ ᒌ ᐆᐦᒋᐸᔨᒡ, ᐁᑯᑦᐦ ᐧᐁᐦᒋ ᒋᔅᒉᔨᐦᑖᑯᐦᒡ, ᑖᓐ ᓂᐦᐋᐤ ᑳ ᐄᔑ ᐃᔥᐱᔥ ᐧᐄᒋᐦᐧᑖᐤ ᐊᓂᒌ ᐄᔨᔫᒡ ᐊᓂᑦᐦ᙮ ᒋᑖᓂᔅᒉᓰᒥᓄᐧᐃᒡ, ᒌ ᐅᔑᐦᑖᐅᒡ ᒨᔥᑲᒦᔫ ᐁ ᐱᒋᔥᑲᐦᐋᐧᑳᐤ ᑲᔦᐦ ᐁ ᐅᓯᐦᐧᑳᐤ ᐊᐧᐁᓰᔅ ᐅᔅᑲᓂᔫᐦ᙮ ᐃᔥᑯᑕᒃ ᑳ ᐅᓯᐦᑲᓀᐧᑖᐤ, ᑳ ᒌ ᒥᒋᐦᑌᐧᐁᐸᓂᐦᐧᑳᐤ ᐊᓂᔫᐦ ᐅᔅᑲᓐᐦ᙮ ᐁᑯᑦᐦ ᑳ ᐅᐦᒋ ᒥᔅᑯᐧᐋᐦᑖᑲᓄᐧᐃᒡ ᓇᓈᐦᑰ ᐊᐧᐁᓰᓴᐦ ᐁ ᐃᓯᓈᑯᓯᔨᒡ, ᑖᓂᑦᐦ ᑳ ᐆᐦᒋ ᐆᐦᑖᒋᐦᐆᐧᐋᑯᐸᓂᒋ ᐊᓂᒌ ᐄᔨᔫᒡ᙮ ᐊᓂᔫᐦ ᒫᒃ ᒫᐅᒡ ᒥᔥᑕᐦᐄ ᑳ ᒥᔅᑳᑲᓄᐦᐧᑳᐤᐦ ᐅᔅᑲᓐᐦ ᐊᓂᑦᐦ ᐃᔥᑯᑌᐦᑳᓂᐦᒡ, ᐁᐅᑯᓐᐦ ᐊᓂᔫᐦ ᐊᒥᔅᑯᑲᓐᐦ᙮ ᐁᑯᑦᐦ ᑳ ᐅᐦᒋ ᒋᔅᒉᔨᐦᑖᑯᐦᒡ, ᐁᒌ ᒋᔥᑎᒫᐧᐁᔨᒫᑲᓄᐧᐃᑦ ᐊᓐ ᐊᐧᐁᓰᔅ ᐊᓂᑌᐦ ᐄᔅᒣᐃᓐ-1ᐃᑌᐦᒉ᙮  

ᐊᓯᓃᔨᒡᐦ ᐁ ᒌ ᐆᐦᒋ ᐅᔑᐦᑖᑲᓄᐦᐧᑳᐤᐦ ᒉᐧᑳᔫᐦ ᐁ ᐃᑖᐸᑎᐦᐧᑳᐤᐦ, ᐁ ᐸᐲᐅᐸᔨᐦᐧᑳᐤᐦ ᓯᔅᒌᐅᔮᑳᓐᐦ (ᐊᓲᑖᒋᑲᓐᐦ) ᑲᔦᐦ ᒫᒃ ᑯᑕᒃᐦ ᒉᐧᑳᔫᐦ ᑳ ᒥᔅᑳᑲᓄᐦᐧᑳᐤ ᐊᓂᑦᐦ ᐧᐋᔅᑳ ᐄᔨᔥᑯᑌᐦᑳᓂᒡ᙮ ᐁᑯᑦᐦ ᒦᓐ ᐁᑎᑑ ᑳ ᐆᐦᑎᓂᐦᐧᑳᐤ,

ᑳ ᐃᑎᐦᑕᐧᑳᐤᐦ ᑲᔦᐦ ᑳ ᐃᔥᐱᔖᐦᐧᑳᐤᐦ ᐊᓂᔫᐦ ᐄᔨᔥᑯᑌᐦᑳᓐᐦ, ᐁᑯᑦᐦ ᑳ ᐆᐦᒋ ᒋᔅᒉᔨᐦᑖᑯᐦᒡ ᑖᓐ ᑳ ᐃᔑᓈᑯᐦᐧᑳᐤᐦ ᑲᔦᐦ ᑳ ᐃᔥᐱᔖᐦᐧᑳᐤᐦ, ᐊᓂᑦᐦ ᑳ ᐄᒋᐧᑖᐤ ᐊᓂᒌ ᐄᔨᔫᐦ᙮ ᐆ ᒫᒃ ᔖᐳᐦᑑᐧᐋᓐ ᒌ ᓂᔥᑎᓐᐦ ᐊᓂᔫᐦ ᐄᔨᔥᑯᑌᐦᑳᓐᐦ ᑲᔦᐦ ᒌ ᒥᐦᒉᑑᑌᐅᓰᒉᓂᒌ ᐊᐧᐁᓂᒌ ᐊᓂᑦᐦ ᑳ ᐧᐄᒋᐦᐧᑖᐤ᙮

ᐄᔨᔥᑯᑌᐦᑳᓐ ᑳ ᒥᔅᑯᐧᐋᐅᑲᐦᐄᑲᓄᐧᐃᒡ  ᐊᓂᑌᐦ ᐄᔅᒣᐃᓃᐅᓰᐲᐦᒡ ᐄᑌᐦᒉ᙮

ᐄᔨᔥᑯᑌᐦᑳᓐ ᑳ ᒥᔅᑯᐧᐋᐅᑲᐦᐄᑲᓄᐧᐃᒡ ᐊᓂᑌᐦ ᐄᔅᒣᐃᓃᐅᓰᐲᐦᒡ ᐄᑌᐦᒉ᙮

ᐄᔨᔥᑯᑌᐦᑳᓐ ᑳ ᒥᔅᑯᐧᐋᐅᑲᐦᐄᑲᓄᐧᐃᒡ  ᐊᓂᑌᐦ ᐄᔅᒣᐃᓃᐅᓰᐲᐦᒡ ᐄᑌᐦᒉ᙮

ᐄᔨᔥᑯᑌᐦᑳᓐ ᑳ ᒥᔅᑯᐧᐋᐅᑲᐦᐄᑲᓄᐧᐃᒡ ᐊᓂᑌᐦ ᐄᔅᒣᐃᓃᐅᓰᐲᐦᒡ ᐄᑌᐦᒉ᙮


ᑖᓐ ᑳ ᐄᔑ ᐱᒫᒋᐦᐆᔨᒡ ᐊᓂᔫᐦ ᐄᔨᔫᐦ ᐊᓂᑦᐦ ᑳ ᐧᐄᒌᔨᑯᐸᓀᓐᐦ᙮