Share/Save

ᐆ ᒣᐧᑳᒡ ᐊᓄᐦᒌᔥ

ᐆᔫᐦ ᐊᓄᐦᒌᔥ, ᒉᐧᑳᔫᐦ ᐊᔮᐸᒡ ᐧᐄᐦᑖᑯᓐ ᑎᐹᒋᒧᐧᐃᓐ ᐊᓂᑦᐦ ᐆᐦᒋ᙮ ᐧᐹᒧᔥ ᐊᓐ ᐊᔅᒌᐅᒋᐦᑖᓱᓐ 1950, ᐊᐱᔒᔥ ᒥᒄ ᒌ ᐊᔮᐧᐋᑲᓅ ᔔᔮᓐᐦ ᑲᔦᐦ ᐁ ᐸᐹᒥᔨᐦᑖᐧᑖᐤ, ᐊᓵᒥᒡ ᒌ ᐋᐸᒋᐦᐁᐅᒡ ᑲᔦᐦ ᐁ ᐱᐹᒥᔥᑳᐧᑖᐤ᙮ ᓇᒧᐃ ᒥᔥᑕᐦᐄ
ᐆᐦᒋ ᐊᔮᐅᒡ ᒉᐧᑳᔫᐦ ᑲᔦᐦ ᐆᐦᒋ ᐧᐁᐱᓂᒧᒡ᙮ ᐁ ᐱᔑᐦᑯᐦᑕᐧᑳᐤ ᑳᓐᐦ ᑏᐅᔅᒋᒄ ᒌ ᐃᑖᐸᒋᐦᑖᐅᒡ, ᐁ ᐧᐁᔥᑲᒌᐧᐄᔨᐦᒡ ᒌᔥᒋᐳᒋᑲᓐᐦ ᔖᐦᐧᑫᐦᐄᑲᓐᐦ ᒌ ᐅᔑᐦᑖᐅᒡ, ᐁ ᐋᐸᒋᐦᑖᐧᑖᐤ ᐁ ᒪᒥᔫᐦᑲᐦᐧᑳᐤ ᐊᔫᓂᔫ ᑲᔦᐦ ᐅᔑᑲᔨᐅᔮᓐᐦ᙮  


ᐃᔥᑯᑕᒃ ᑳ ᒦᔮᐅᐸᔨᒡ ᐊᓐ 1950, ᐊᔅᒌᐅᒋᐦᑖᓱᓐ, ᒌ ᐱᒥᐦᔮᐅᒡ ᐄᔨᔫᒡ ᓅᐦᒋᒦᔨᐦᒡ ᐁ ᐃᔅᐸᐦᔮᐧᑖᐤ ᑲᔦᐦ ᑳ ᐱᒥᐸᔨᔒᐦᒡ ᐁ ᐋᐸᒋᐦᑖᐧᑖᐤ᙮ ᐁᑎᑑ ᒫᒃ ᒥᔥᑕᐦᐄ ᒌ ᑕᐦᑯᓂᒧᒡ ᒉᐧᑳᔫᐦ᙮ ᐁᑯᐦ ᐊᓂᔫᐦ ᐊᔅᒌᐅᒋᐦᑖᓱᓐᐦ 1970 ᑲᔦᐦ 1980, ᓇᓈᒥᒋᒻ ᐧᐁᔨᐱᔥᒌᔥ ᒌ ᐃᐦᑖᐅᒡ ᐊᓂᑌᐦ ᓂᑑᐧᐄ᙮ ᑲᔦᐦ ᓇᓈᒥᒋᒻ ᐯᔭᑯᓂᐦᒡ ᒌ ᐊᑎ ᐧᐋᐧᐄᒋᐅᒡ᙮ ᐁᑯᐦ ᐊᓂᔫᐦ ᐁ ᒌ ᐋᐸᒋᐦᐋᐧᑖᐤ ᑳ ᐅᔅᒋᑖᑯᓂᒋᐸᐦᑖᔨᒡ, ᐁᑎᑑ ᒥᔥᑕᐦᐄ ᑳ ᐊᑎ ᐃᔅᐸᔨᐦᑖᐧᑖᐤ ᒉᐧᑳᔫᐦ ᐁ ᐊᔮᐧᑖᐤ ᐊᓂᑌᐦ ᐄᔅᒣᐃᓐ 1 ᐄᑌᐦᒉ ᐁ ᐃᐦᑖᓄᐧᐃᔨᒡ᙮ ᐊᓂᑦᐦ ᒫᒃ ᒫᐅᒡ ᐧᐄᐸᒡ ᑳ ᐃᐦᑑᑕᐦᐧᑳᐤ ᐆᔫ ᐁᑎ ᐅᔅᑎᐦᑕᐧᑳᒋᔨᒡ᙮

ᐁ ᐋᔨᒨᑕᒃᐦ ᒋᔐᐄᔨᔫ ᑳ ᒌ ᐧᐄᒋᐦᓈᓄᐧᐃᔨᒡ, ᐊᓂᑦᐦ ᐁ ᒌ ᐃᐦᑖᓄᐧᐃᔨᒡ᙮

ᒌᔥᒋᐴᒋᑲᓈᐱᔅᑯᐦᒡ ᐁ ᒌ ᐆᐦᒋ ᐅᔑᐦᑖᑲᓄᐦᐧᑳᐤ ᒫᑎᐦᐄᑲᓐ ᓀᔥᑦ ᔖᐦᐧᑫᐦᐄᑲᓐ, ᐁ ᒪᒥᔫᐦᑳᑲᓄᐧᐃᒡ ᐊᔫᓐ ᑲᔦᐦ ᐅᔑᑲᔨᐅᔮᓂᒡᐦ᙮