Share/Save

ᐧᐄᐸᒡ ᐁ ᑕᐧᑳᒋᑦ

ᐦᐋᑏ ᒨᓱᔅ

“ᒨᔥ ᓂᒌ ᐊᔓᐧᐋᐸᐦᑌᓐ ᒉ ᑯᔅᐸᐦᐋᒫᐦᒡ ᐁ ᐧᐄᒉᐅᐧᑳᐤ ᓂᓈᐯᒻ ᑲᔦᐦ ᓂᑕᐧᐋᔑᒥᒡ᙮ ᓈᔥᑖᐧᐯ ᓂᒌ ᓵᒋᐦᑖᓐ ᐁ ᐧᐋᐸᐦᑕᒫᓐ ᐁ ᐃᔥᐱᔥ ᒥᐧᔮᔑᒡ ᐊᓐ ᓰᐲ ᑲᔦᐦ ᐊᓂᑌᐦ ᐧᐋᔅᑳ ᐊᓐ ᐊᔅᒌ᙮ ᐊᓂᔫᐦ ᓃᐲᔥᐦ, ᒪᔥᑯᔔᐦ ᑲᔦᐦ (ᓃᐲᔥ) ᐧᐋᐸᑯᓂᔥᐦ ᓈᔥᒡ ᐁᒌ ᒥᐧᔮᔑᐧᑳᐤ᙮ ᒥᓯᐧᐁ ᒉᐧᑳᓐ ᐁᒌ ᐅᔥᑳᒡ ᑲᔦᐦ ᐁ ᐱᔦᑲᐦᒡ᙮ ᐁ ᐅᔅᑳᔅᑎᓯᐧᑖᐤ ᐊᔥᑖᐦᑯᓂᒡ ᐁ ᓈᔅᒉᓄᐧᐃᒡ ᑲᔦᐦ ᐁ ᐅᔥᑳᐦᐧᑳᐤᐦ ᐊᓂᑦᐦ ᐁᑎ ᐧᐄᒋᓈᓄᐧᐃᒡ᙮”

 


ᐁ ᑯᔅᐸᐦᐄᑲᓅᒡ

“ᐧᐄᐸᒡ ᒫᒃ ᐁᑎ ᑕᐧᑳᒋᓂᔨᐦᒡ ᐁᑯᐦ ᑳ ᒌ ᐄᔑᒋᐦᒣᐧᑖᐤ ᐊᐧᐁᓂᒌ ᐊᓂᑌᐦ ᐅᓂᑑᐦᐆᔅᒌᐧᐋᐦᒡ᙮ ᐊᓂᑌᐦ ᓅᐦᒋᒦᐦᒡ ᐁ ᐃᐦᑖᐧᑖᐤ, ᒌ ᐧᐄᒋᐦᐄᑯᐧᐃᒡ ᐊᓂᔫ ᒣᔥᑖᒋᐦᐄᑯᐧᑖᐤ ᐅᑕᐧᐋᔑᒧᐧᐋᐤ ᐃᔥᑯᑕᒃ ᑳ ᒋᐦᒋᐅᔮᑲᓄᐧᐃᒡ ᐁ ᓂᑑᒋᔅᑯᑕᒫᓱᔨᐦᒡ᙮ ᒥᒄ ᐁᑎ ᐃᔮᐱᔒᔨᒡ ᒌ ᐃᔑᒋᒣᐅᒡ ᐅᓂᑑᐦᐆᔅᒌᐧᐋᐦᒡ ᑌᐱᔦᒡ ᐁᔅᒄ ᐁᑰ ᐱᑎᔑᓃᔨᒡ ᑰᓐ᙮”

ᐁ ᑯᔅᐸᐦᐄᑲᓅᒡ

ᐁ ᑯᔅᐸᐦᐄᑲᓅᒡ

ᒫᒨ ᑳ ᒌ ᐊᑎ ᐃᐦᑖᐧᑖᐤ ᐁ ᑯᔅᐸᐦᐋᐧᑳᐤ ᐃᔅᒣᐃᓂᐦᒡ ᐆᐦᒋ, ᐊᓂᑦᐦ ᒫᒃ ᑌᑖᐅᒡ ᐁ ᓃᔑᓃᔨᐦᒡ ᐹᐅᔥᑎᑰᐦ ᐁᑯᑦᐦ ᐹᐱᐦᑳᓐ ᑳ ᒌ ᐆᐦᒋ ᐃᔑᒋᒣᐧᑖᐤ ᐊᓂᑌᐦ ᐧᐄᐧᐋᐤ ᑎᐲᐧᐁ ᐅᓂᑑᐦᐆᔅᒌᐧᐋᐦᒡ᙮