Share/Save

... ᑲᔦᐦ ᒉ ᒥᔪᐲᔨᓐ ᒋ ᐱᒫᑎᓰᐧᐃᓂᒡ

Harry Moses

ᐦᐋᕇ ᒨᓱᔅ

“ᐧᐃᔦᔥ ᑮᐹ ᓂᑎᐦᑐᑖᑰᓐ ᑖᓐ ᐁ ᐃᔅᐸᔨᒡ ᐊᓐ ᓰᐲ᙮ ᐁᐅᒄ ᐁ ᐃᑕᒥᒋᐦᐆᔮᓐ ᐧᒣᐦᒡ ᐊᐧᐁᓐ ᑳ ᒥᒉᔨᐦᑕᒃ ᐁ ᐧᐊᓂᐦᑖᑦ ᒉᐧᑳᔫ ᓈᔥᒡ ᐁᒌ ᓵᒋᐦᑖᑦ ᐁ ᐃᐦᑑᑕᒃ ᐊᓂᑌᐦ ᐅᐱᒫᑎᓰᐧᐃᓂᐦᒡ᙮ ᐧᒣᐦᒡ ᐊᓂᑌᐦ ᐁ ᐧᐊᓂᐦᐄᑦ ᐊᐧᐁᓐ ᐁᒌ ᓵᒋᐦᐄᑦ᙮”


ᐦᐋᕇ ᒨᓱᔅ

ᐁᐅᒄ ᐆᔫ ᑳ ᐃᑌᔨᐦᑖᐦᐧᑳᐤ ᐅᒌ ᐄᔨᔫᒡ ᐅᑕᐦ ᐁ ᐅᐦᒌᐧᑖᐤ ᐅᓯᐦᑌ (5,000) ᓂᔮᔪᐅᒋᔐᒥᑖᐦᑐᒥᑎᓄᐧᐁ ᐱᐳᓐᐦ ᐃᔥᐱᔥ, ᐊᓐ ᐃᔅᒣᐃᓃᐅᓰᐲ ᐊᓂᑌᐦ ᒌᐧᐁᑎᓅᑖᐦᒡ ᑯᐯᒃ ᐃᑌᐦᒉ ᒌ ᐊᔅᒋᐳᑖᑲᓅ 2005 ᑳ ᐃᒋᔥᑌᒡ ᐊᔅᒋᐅᒋᐦᑖᓱᓐ, ᐆᑦᐦ ᑯᐯᒃ ᒉ ᒌ ᐆᐦᒋᐸᔨᒡ ᐁ ᐊᑖᐧᐋᒉᓂᐧᐃᒡ ᓂᒥᔅᒌᐅᔥᑯᑌᔮᐲ᙮


ᐊᓐ ᐅᐦᒋ ᑳ ᐄᔑ ᐋᔮᔫᐦᑖᑲᓄᐧᐃᒡ ᐊᓐ ᓰᐲ, ᐊᓂᒌ ᐄᔨᔫ ᒋᔐᐄᔨᔫᒡ, ᐆᔅᒌᓃᒎᒡ ᑲᔦᐦ ᑳ ᓈᓂᑑᐧᐋᐅᑲᐦᐄᒉᐧᑖᐤ ᒌ ᒫᒨ ᐋᐸᑎᓰᔥᑕᒧᒡ ᐁ ᐧᐄᓯᓇᐦᐋᐧᑳᐤ ᐊᓂᔫ ᐅᐦᒋ ᑳ ᐄᔑ ᐯᒋ ᐊᓂᔅᒉ ᐱᒫᑎᓰᐧᑖᐤ ᐄᔨᔫᒡ ᑳ ᐧᐄᒋᐦᐧᑖᐤ ᐆᔫ ᐊᔅᒌᔫᐦ᙮ ᐁᐅᒄ ᐃᑎᐦᑐᑌᓅ ᑳ ᐊᔅᒋᐳᑖᑲᓄᐧᐃᔨᒡᐦ ᐅᓂᑑᐦᐆᔅᒌᐧᐋᐤᐦ᙮ ᐁᐅᑯᔫ ᒫᒃ ᐆᔫᐦ ᐅᑎᐹᒋᒧᐧᐃᓄᐧᐋᐤ᙮