Share/Save

ᓃᔥᑎᒻ ᐧᐄᐦᑎᒫᒉᐧᐃᓐ

Willie Iserhoff

ᐧᐃᓖ ᐋᐃᓯᕐᐦᐅᕝ, ᐁ ᓃᑳᓂᔥᑲᒃ
ᐄᔨᔨᐤ ᐃᑕᐧᐃᓐ ᑲᔦᐦ ᐊᔨᒧᐧᐃᓐ ᐁ ᐅᒋ ᐋᐸᑎᓰᔥᑕᑲᓅᑦ᙮

“ᒉ ᒋᔅᒋᔨᓐ ... ᑲᔦᐦ ᒉ ᒥᔪᐲᔨᓐ ᒋ ᐱᒫᑎᓰᐧᐃᓂᒡ” ᐁᐅᒄ ᐆ ᐊᔨᒧᐧᐃᓐ ᐧᐋ ᐧᐄᑎᒫᑯᐧᐃᔨᒄ ᒉ ᒌ ᒋᔅᒋᔨᐦᑐᑰᑦ ᐊᓂᒌ ᐊᓂᔅᒉ ᑳ ᐯᒋ ᐱᒫᒋᐦᐆᒡ ᐊᓂᑦᐦ ᐃᔅᒣᐃᓂᔫ ᓰᐲᔨᒡ᙮ ᑲᔦᐦ ᐊᓐ ᑳ ᐃᔑ ᑲᒉᔅᒋᒪᑯᐧᐄᔨᒄ ᐊᓂᒌ ᑳ ᐯᒋ ᓂᑑᐦᐆᒡ ᐊᓂᑦᐦ ᐃᔅᒣᐃᓐ 1 ᑳ ᐃᑎᔥᑌᑦ᙮ ᐁᐅᒄ ᐁ ᐧᐄ ᒌᑫᔮᐱᑎᑲᓂᐧᐃᒡ ᐊᓂᔫ ᑳ ᐃᔥᐱᔥ ᒥᔪᐧᐄᒋᐦᐄᑯᒡ ᐁ ᐅᑖᒋᐦᐆᒡ ᐊᓂᑦ ᐅᑕᔅᒋᐦᐄᐧᐋᒡ᙮ ᑯᒫᒃ ᑳ ᐸᒋᔅᑕᐦᓂᒡ ᒋᔐᐄᔨᔫᒡ ᐅᑕᔨᒧᐧᐃᓂᐧᐋᐤ ᒉ ᒌ ᐋᐸᑎᓰᔥᑕᒦᔨᒡ ᐅᔅᒋᓃᒎ ᑲᔦᐦ ᑳ ᓈᓂᑑᐧᐋᐅᑲᐦᐄᒉᔨᒡ, ᒉ ᓅᑲᓃᔨᒡ ᐊᓐ ᐅᒋ ᒉ ᐊᔅᒋᐳᑌᑦ᙮ ᒌ ᐱᑯᓭᔨᐦᑕᒧᒡ ᒫᒃ ᐅᔅᒋᓃᒎᒡ ᒉ ᒌ ᓅᑯᓃᔨᒡ ᐁ ᐧᐄᒋᐦᐄᑯᒡ ᐊᓂᑌ ᐃᔑ ᓃᔥᑕᒥᐦᒡ ᑲᔦᐦ ᒋᔅᒋᓄᐦᑕᐦᐄᑯᐧᑖᐤ ᐅᑎᔨᔨᐤ ᐃᐦᑐᐧᐃᓂᐧᐋᐤ᙮

ᐁᐅᒄ ᐆ ᒫᐅᒡ ᓃᔥᑕᒻ ᒉ ᑐᑎᑲᓅᑦ ᐁ ᐧᐋᐸᑏᐧᐁᓅᑦ ᐊᓂᑌ ᐃᔑ ᐄᔨᔨᐤ ᐃᑖᐧᐃᓐᐦ ᐁ ᓅᑯᓃᔨᒡ ᒋᔐᐄᔨᔫᒡ ᐅᑕᔨᒧᐧᐃᓂᐧᐋᐤ ᐁ ᐊᔨᒧᑕᒡ ᐊᓂᑌ ᐃᔑ ᐧᐁᔥᑲᒡ, ᑳ ᓈᓂᑑᐧᐋᐅᑲᐦᐄᒉᓂᐧᐃᔨᒡ ᑲᔦᐦ ᑖᓐ ᑳ ᐃᑖᐱᑎᓃᔨᒡ ᐄᔨᔨᐤ ᐊᔅᒋᔫᐦ ᒥᒄ ᑖᓐ ᐁᑎ ᐃᔅᐱᑌᔮᔨᒡ᙮ ᐱᑯᓭᔨᑖᑯᓐ ᒫᒃ ᐆ ᑳ ᐃᔑ ᒪᓯᓇᐦᐄᑲᓅᑦ ᒉ ᒌ ᐃᔮᐱᑌᔨᐦᑎᒪᐦᐄᑯᐧᐄᔨᒄ ᐊᓂᔫᐦ ᒋᒋᔐᔨᒥᓅᒡ ᐅᑲᒉᐦᑌᐧᐃᔨᑕᒧᓂᐧᐋᐤ᙮

“ᒉ ᒋᔅᒋᔨᓐ ... ᑲᔦᐦ ᒉ ᒥᔪᐲᔨᓐ ᒋ ᐱᒫᑎᓰᐧᐃᓂᒡ” ᐊᓂᑌ ᒉ ᐃᔑ ᑎᐸᐦᐄᒉᐲᔨᒡ ᐊᓐ ᐊᔨᒧᐧᐃᓐ ᒉ ᐃᔥᐱᔥ ᐸᐹᒥᐲᔨᑦ