Share/Save

ᐧᐄᐸᒡ ᐁᑎ ᐱᐳᐦᒡ ᐁ ᐧᐊᓇᐦᐄᒉᓄᐧᐃᒡ

“ᐊᒥᔅᒄ ᐁᐅᒄ ᐊᓐ ᓈᔥᒡ ᑳ ᒌ ᐊᓇᐦᐄᒧᐧᐋᑲᓄᐧᐃᑦ ᐊᐧᐁᓰᔅ᙮ ᓂᑖᒥᓯᒄ ᐃᐦᑖᐤ ᐊᒥᔅᒄ ᐁ ᐱᐳᓃᔨᒡ᙮ ᐅᔑᐦᑕᒫᓱᐧᐃᒡ ᐁ ᒋᔓᐧᐋᔨᐦᒡ ᑲᔦᐦ ᐁ ᐹᐦᐧᑳᔨᐦᒡ ᐧᐄᔥᑐᐧᐋᐤᐦ᙮ ᐁᑯᑌᐦ ᐊᓂᑌᐦ ᐲᐦᒋ ᒫᒋᓱᐧᑖᐤᐦ᙮ ᐯᐧᑖᓱᐧᐃᒡ ᒉᐧᑳᔫ ᒉ ᒥᒋᐧᑖᐤ, ᐧᒣᐦᒡ ᐄᔨᔫᐦ ᐁ ᐃᐦᑏᔨᒡᐦ᙮ ᐃᔥᑯᑕᒃ ᒫᒃ ᐯᒋᔅᑎᓂᔨᐦᒡ ᓃᐲᔥᐦ, ᐁᑯᐦ ᒫᐅᒋᐦᑕᒫᓱᐧᑖᐤ ᓃᐱᓰᐦ ᑲᔦᐦ ᒥᔥᑎᒄᐦ, ᐁᑯᐦ ᐁ ᐃᑎᐦᐆᑖᐧᑖᐤ ᐊᓂᑌᐦ ᐁ ᐧᐄᒋᐦᐧᑖᐤᐦ, ᒉ ᒦᒋᐦᐧᑖᐤ ᐱᐳᓂᔨᒉ᙮”


ᓭᕌ ᐧᐋᐹᐦᒌ, ᐦᐋᑏ ᒨᓱᔅ ᑲᔦᐦ ᐦᐋᕇ ᒨᓱᔅ


ᐊᒥᔅᒄ

“ᓂᒌ ᒥᐧᔮᔨᐦᒨᓈᓐ ᐊᓂᑌᐦ ᓰᐲᐦᒡ ᐯᔔᒡ ᐁ ᐃᐦᑌᔮᐦᒡ ᐅᐦᒋ ᐊᒥᔅᒄ᙮ ᒌ ᐯᒋ ᐃᐦᑖᐤ ᐊᒥᔅᒄ ᐃᔥᑯᑕᒃ ᒣᔮᐦᑎᒃ ᓃᐱᓰᐦ᙮”

ᓯᓐᑏ ᑰᓂᔑᔥ ᒥᒋᐦᑯᓐ ᐋᐸᒋᐦᐁᐤ ᐁ ᐸᐦᑯᓂᒥᔅᐧᑫᑦ᙮

ᕕᐧᓛᕇ ᒫᕐᒃ-ᔅᑐᐧᐊᕐᑦ ᓯᑲᐧᐹᐤ ᐊᒥᔅᒄ, ᒫᐅᒡ ᒉ ᐧᐄᒋᐦᑏᔨᑦ᙮

 

ᐄᐧᐄᑎᒥᐦᒡ ᐊᑯᔮᑲᓄᐧᐃᒡ  ᐊᒥᔅᑯᔮᓂᒡ ᒉ ᐹᓱᐧᑖᐤ᙮

ᐄᐧᐄᑎᒥᐦᒡ ᐊᑯᔮᑲᓄᐧᐃᒡ ᐊᒥᔅᑯᔮᓂᒡ ᒉ ᐹᓱᐧᑖᐤ᙮

ᐊᔅᒋᐱᑌᐅᒡ ᐊᒥᔅᑯᔮᓐᐦ ᓭᕌ ᐧᐋᐸᐦᒌ ᑲᔦᐦ ᒉᐃᒦ ᔅᑏᕕᓐᔅ᙮